Jeden Tog soll i wos tuan,
für die Gsundheit und generö.
Doch i steh imma nur gonz vurn,
mir passiert ois vü zu schnö.

Des Kreiz is schief, da Bauch tuat weh,
der Fertigfrass is büllig und guat.
I hob nua Schmerzen söbst wan i steh,
die Wohrheit die google i schnö fuat.

A Ausred, die muas gonz schnö her.
Sonst pock i den gonzen Tog ned mehr.

Die Ausred, die Ausred.
I reds ma gonz long ein. 
Do wird söbst des größte 
Problem – ganz ganz mini klein. 
Die Ausred, die Ausred.
Sie hüft ma Heut und Morgn. 
Den mit ana schenen Ausred, 
konnst ois irgendwan besorgn. 
Die Ausred, die Ausred.
Mit der hob i’s bis doher gschofft. 
Is zwo ned des wohre Lebn, 
wos i datramt und ghofft. 
Die Ausred, die Ausred.
Wiads ma wirkli ned zbled?

Da Job a Kas, er zipft mi on.
Vü leistn kon i ma ned. 
Huckst mit ondre Leit so zom,
do redns ah nua bled.

„Es liegt an dir“ – so sogn sie olle.
Wos wissn di scho von meim Leid? 
„Der Schweinehund is angebli a Folle“
I glaub aus denen spricht nur da Neid.

Die Ausred, die Ausred.
I reds ma gonz long ein. 
Do wird söbst des größte 
Problem – ganz ganz mini klein. 
Die Ausred, die Ausred.
Sie hüft ma Heut und Morgn. 
Den mit ana schenen Ausred, 
konnst ois irgendwon besorgn. 
Die Ausred, die Ausred.
Mit der hob i’s bis doher gschofft. 
Is zwo ned des wohre Lebn, 
wos i datramt und ghofft. 
Die Ausred, die Ausred.
Wiads ma wirkli ned zbled?

Di Johr vergehn, es bleibt a Schass.
Da Job, des Göd, ois is im Kölla. 
Da Körpa rebeliert vom Fertigfrass.
Die Tablettn liegn nebn dem Tölla.

Hob ghofft, i muas nix tuan.
A Schritt am Tog, oda a zwa. 
Doch i steh imma no gonz vurn.
Und mei Lebn is scho bold laa.

Die Ausred, die Ausred.
I reds ma gonz long ein. 
Do wird söbst des größte 
Problem – ganz ganz mini klein. 
Die Ausred, die Ausred.
Sie hüft ma Heut und Morgn. 
Den mit ana schenen Ausred, 
konnst ois irgendwon besorgn. 
Die Ausred, die Ausred.
Mit der hob i’s bis doher gschofft. 
Is zwo ned des wohre Lebn, 
wos i datramt und ghofft. 
Die Ausred, die Ausred.
Wiads ma wirkli ned zbled?

So steh i am End do – kronk, kaputt und valorn.
Wünscht ma i, i kennt wieda anfong von vurn. 
Doch des Lebn is aus, i hobs ned gonz kapiert.
Do hob i mi wul, in zwa Ausredn vairrt.

Die Ausred, die Ausred.
I reds ma gonz long ein. 
Do wird söbst des größte 
Problem – ganz ganz mini klein. 
Die Ausred, die Ausred.
Sie hüft ma Heut und Morgn. 
Den mit ana schenen Ausred, 
konnst ois irgendwon besorgn. 
Die Ausred, die Ausred.
Mit der hob i’s bis doher gschofft. 
Is zwo ned des wohre Lebn, 
wos i datramt und ghofft. 
Die Ausred, die Ausred.
Wiads ma wirkli ned zbled?

Die Ausred, die Ausred.
I reds ma gonz long ein. 
Do wird jeds Problem schen groß stott klein.
Die Ausred, die Ausred. 
Sie hüft ma wirkli ned.
Wann i richtig hinhör, dann klingts wirkli bled. 
Die Ausred, die Ausred.
Sie is wirkli lächerlich. 
Oba sie lost mi gonz gonz sölten im Stich.
Die Ausred.

Mia is des…
Vü zu bled.