Ma hot zu mia gsogt, aus mir wird nix werdn,
wenn i doron zruckdenk, könnt i no ima rehrn.
Die Ongst vor an Fehla, wor stets präsent,
I hobs glaubt und gedocht und hob mi farennt.

Ma hot zu mia gsogt, i bin ganz sonderbor,
kane Freind, sötn Anser, und auszupfte Hoor.
Imma anders gedocht, sötn zuagstimmt.
Man könnt fast ma nen, i woa a fremds Kind.

Die Wohrheit is:
I bin i, und auf des bin i stuiz.
I moch mein Ding, jeden Tog – sogt’s wos ihr wuit’s.
I bin i. Wos soll i tuan? Is des ned geil?!
Jeder hot heut, auf sei Ort, san aignen Style.

Hobs oft gsehn, die Neida, die mir nix guats wünschn.
Der ane oder andre würd mi für a Bier soga lynchen.
Ois is foisch: Wie i schau, wie i red, wie i tua.
Sie hoffn jedn Tog, i bleib a dumma klana Bua.

Doch sie hom mi net niedadruckt. Sie hobms net gschofft.
Und aus meim Leid, meim Zweifel is wordn a große Kroft.

So steh i do: Net nur gestan, sondern heit und a morgn.
Kämpf gegen Ängste, Zweifl und noch vü mehr Sorgn.
Doch i was, i bin stork und moch imma sbeste draus.
Und mei Liachtal das knipps i gonz sicher not net aus.

Die Wohrheit is:
I bin i, und auf des bin i stuiz.
I moch mein Ding. Jeden Tog. Do kennts ihr sogn wos wuits.
I bin i. Wos soll i tuan? Is des ned geil?!
Jeder hot heut, auf sei Ort, san aignen Style.

Die Wohrheit is:
I bin i, und auf des bin i stuiz.
I moch mein Ding. Jeden Tog. Do kennts ihr sogn wos wuits.
I bin i. Wos soll i tuan? Auf des bin i stuiz.
I bin dran gwochsn und bin jetzt aus ondrem Hoiz.
Die Wohrheit is:
I bin i, und auf des bin i stuiz.

Auf des bin i stuiz.