I moch ma söbst Probleme, über jede Idee
Krieg Panik, wann i des Rampenlicht seh
Hob so vü Tram und Ziele, doch werfs üba Bord
Da Kopf der dreht si, Mut und Wülln san längst fort

Scho früha, wollt i imma a Supastar sein
Familie, Freind und olle hom gsogt „Nein“
Zastörtn jedn Tram und hom dabei glocht
Johre späta kummts ma. Jo, I hob an Vadocht…

Nix homs gwusst, se woan nua richtig zneidig
Valorene Tram und Chancn, des wor ihnen ois leidig

Es is Zeit, scho längst Zeit.
Checkst es net? 
Hör i weida auf ondre, is es bold zu spät.
Es is Zeit, scho längst Zeit. 
I wü endli startn.
Afoch net mehr sudan oda weita wartn. 
Es is Zeit, scho längst Zeit.
Es wird net vü bessa. 
Di Lebenszeit rinnt weg, untam Messa.
Es is Zeit, scho längst Zeit. 
Kana mochts für mi!
Wüsst bled daher redn? Donn red üba mi!

A jeda Schritt is da erste und schwa
Die meisten redn, den gonzen Tog nur Bla bla
Wärs gonz afoch, würds jo a jeder tuan
Wüst wirkli wos erreichn, donn stö di noch furn

Ois wos du siehst und host, stommt von Ideen
Glaubst a klans Kind steht auf und kon glei gehn?
Früha worn die Leit mutig und homs afoch gmocht
Also mochs, so long dei Herzal no pocht!

Es is Zeit, scho längst Zeit.
Checkst es net? 
Hör i weida auf ondre, is es bold zu spät. 
Es is Zeit, scho längst Zeit.
I wü endli startn. 
Afoch net mehr sudan oda weita wartn.
Es is Zeit, scho längst Zeit. 
Es wird net vü bessa.
Di Lebenszeit rinnt weg, untam Messa. 
Es is Zeit, scho längst Zeit.
Kana mochts für mi! 
Wüsst bled daher redn? Donn red üba mi!

Die Worheit is, so vü tuan ima nua schimpfen.
Monche sogar, wenn da Orzt frogt wegen impfen. 
Des is so, moch da kan Kopf, moch dei Ding.
Host es don endli gschofft, donn sing:

Es woa Zeit, scho längst Zeit.
Checkst es net? 
Wer nix kon, der sogt imma, dass es net geht.
Es woa Zeit, scho längst Zeit. 
I wullt endli startn.
Wege gibts imma – auf gonz vüle Artn.
Es woa Zeit, scho längst Zeit.
Es wird net vü bessa. 
Oda haust ma’s ins Kreiz, des gschissne Messa?
Es woa Zeit, scho längst Zeit. 
Kana hots gmocht für mi!
Wann i ned start, don kriag i’s jo nie!
Es woa Zeit, scho längst Zeit.
Kum, sei ned so bled! 
Zag ahn jedn, das es onders a geht.

Das es onders a geht.
Es is an da Zeit, es is no net zspät!

Zag ahn jedn, das es onders a geht.
Das es onders a geht.