Des oide Muattal sitzt allan auf da Bonk.
Des dünne Hoar is weiß, net long. 
Die Foitn tiaf, da Blick ganz traurig.
A Lächln, ois sie mi siagt. 

Sie nimmt mei Hond und hoit’s ganz zam,
schaut ma in d’Augn und fangt donn oan:
Mei Klana, hob ka Angst, i hobs scho ghobt. 
Die Zeit vageht so schnö, wia im Galopp.

Erst gestan hob i dramt und vü docht, 
i denk drüber noch und schlof no a Nocht.
Hob ghofft, mei Lebn des wiad von allan. 
Doch höffn tuan dia nua wenig – und zuckt leicht zam.

Die Zeit steht stü, i bleib kurz stehn.
Nua da Stahb is klor im Liacht zu’sehn. 
Wos bleibt vo uns, wo is da Sinn?
Und i woas, do bin i mittn drin.

Da Stahb, der fliagt.
Ganz ruhig durchs Zimma. 
Ah wenn’s nix gibt, den gibt’s wirkli imma.
Da Stahb, der fliagt. 
Von mir ganz weg.
Moch i nix draus, dann is es weg. 
Da Stahb, der fliagt.
Konn olles werdn. 
Auf’m Mond, Saturn und a auf d’Erdn.

Mei Klana, woasst – so fangt sie an.
Ma wortet imma, obwul ma ois konn. 
Ma lebt vo Göd, vo Neid und vü Frust.
Bitte schaß drauf und moch, auf wos host Lust?!
Schau, mei Monn hot gschepft, a jedes Johr.
Hot nix davon ghobt, des is… traurig und wohr.

Da Stahb, der fliagt.
Ganz ruhig durchs Zimma. 
Ah wenn’s nix gibt, den gibt’s wirkli imma. 
Da Stahb, der fliagt.
Von mir ganz weg. 
Moch i nix draus, dann wird’s nur Dreck.
Da Stahb, der fliagt. 
Konn olles werdn.
Auf’m Mond, Saturn und a auf d’Erdn.

Wia san nur Stahb in jedem Wind.
Egal ob ganz oid oder no a Kind. 
Wonn ma uns findn, mittn im Wie.
Es is genug do – für mi und für di.

Sie druckt mei Hond und locht mi an.
Wannst es du net schoffst, wer denn dann? 
Wos du konnst träumen, des konnst a mochn.
Vageud da Zeit net – tua jedn Tog lochn. 
Sunst sitzt so do, wia i heut bei dir,
und am End stellst nua a Frog: Wofür?

Da Stahb, der fliagt.
Ganz ruhig durchs Zimma. 
Und i loss eam fliagn – i hoit eam nimma.
Da Stahb, der fliagt. 
Von mir ganz weg.
Wos koa Wert hot, hot koan Zweck. 
Da Stahb, der fliagt.
Konn olles werdn. 
Wo a Mensch liebt – do is a Erdn.

Da Stahb, der fliagt.
Weg von mir – hin zu dir. 
Do bleibt a pickn, desholb san ma hier.